Grindvíkingar óánægðir með breytingar á sjúkraflutningum

Bæjarráð Grindavíkur er mótfallið því að breytingar verði á sjúkraflutningum í bæjarfélaginu. Fela breytingarnar í sér að ábyrgð á sjúkraflutningum færist frá Heilbrigðisstofnun Suðurnesja til Brunavarna Suðurnesja.

Viðræður hafa verið um yfirtöku Grindavíkurbæjar á sjúkraflutningunum. Velferðarráðuneytið segist ekki geta lagt meira fjármagn í verkefnið.

Bæjarráð Grindavíkurbæjar segist harma hve langan tíma það hefur tekið að fá svör frá ráðuneytinu vegna málsins.