Queen Elizabeth til Íslands

Drottning úthafanna, skemmtiferðaskipið Queen Elizabeth, kemur til Íslands á mánudag og hefur viðkomu á Akureyri, Ísafirði og í Reykjavík. Þykir skipið allt hið glæsilegasta.

Þetta er í fyrsta skipti sem hin nýja Queen Elizabeth siglir til Íslands en skipið var smíðað árið 2010 og leysir af eldra skip. Elísabet Englandsdrottning gaf skipinu nafn við virðulega athöfn árið 2010.

Skipið er 92 þúsund tonn og tekur rúmlega tvö þúsund farþega. Í skipinu er m.a. konunglegur danssalur, tennisvellir, sundlaugar, líkamsræktarstöð, heilsulind og fjöldi verslana.

Þá er einnig fjöldi glæsilegra veitingastaða um borð í skipinu og það er því sannarlega hægt að njóta lífsins um borð.