Óskarsverðlaunadraumurinn enn á lífi

Kvikmyndin Djúpið í leikstjórn Baltasars Kormáks hlaut ekki tilnefningu til Óskarsverðlaunanna í ár. Baltasar segir það vissulega vonbrigði að hljóta ekki tilnefningu en myndin hafi fengið mikla athygli fyrir að komast svona langt.

Kvikmyndin Djúpið var meðal þeirra níu erlendu mynda sem komust í gegnum niðurskurð og áttu möguleika á að hljóta tilnefningu til Óskarsverðlauna í ár. Margir Íslendingar biðu því spenntir eftir blaðamannafundi Akademíunnar í dag að sjá hvaða erlendu myndir urðu fyrir valinu. Djúpið var hins vegar ekki á meðal þeirra fimm mynda sem fengu tilnefningu þetta árið, en Austurríska myndin Amour fékk bæði tilnefningu sem besta myndin og besta erlenda myndin.

„Að einhverju leyti eru auðvitað alltaf vonbrigði ef maður kemst ekki lengra en ég hef nú ekki séð hinar myndirnar þannig ég á erfitt með að segja til um við hvað ég var að keppa," segir Baltasar Kormákur.

Hann segir óskarsverðlaunadrauminn enn á lífi og það gangi vonandi betur næst.

þetta er valið úr þúsundum mynda, sem verða svo 71 og svo 9, það hefur vakið athygli á myndinni og hún er að fara ansi víða þannig að þeim tilgangi hefur verið náð, auðvitað hefði verið gaman að komast lengra og fa´enn meiri athygli en svona er þetta, myndin er rétt að byrja þetta er bara einn af mörgum áföngum fyrir hana