Þessi uppákoma sló í gegn

Meðfylgjandi myndir voru teknar í sjónrænni kvikmyndaveislu á Borg Restaurant í vikunni í samstarfi við RIFF, Alþjóðlegu kvikmyndahátíðina í Reykjavík. Voru þar sýndar fimm sérvaldar stuttmyndir og fengu matreiðslumenn Borgarinnar það verkefni að túlka myndirnar í mat og var það mál manna að uppákoman hefði slegið í gegn.

Fór kvikmyndaveislan fram í Gyllta salnum sem búið var að stilla upp eins og bíósal þar sem gestir sátu við dúkuð matarborð og borðuðu réttina með myndunum. Matreiðslumennirnir, undir stjórn Völundar Snæs, komu síðan fram á milli mynda og kynntu réttina og hugmyndafræðina að baki þeim. 

Stuttmyndirnar sem sýnar voru: Sailcloth eftir Elvar Aðalsteins, Vikingar eftir Magily Magistry, Boy eftir Eilíf Örn Þrastarson, Hvalfjörður eftir Guðmund Arnar Guðmundsson og Numbers and friends eftir Alexander Carson.

Alþjóðleg kvikmyndahátíð í Reykjavík - RIFF

Borg restaurant