Gaupi fluttur með krana á völlinn

Notast þurfti við krana til þess að flytja íþróttafréttamanninn Guðjón Guðmundsson í viðtöl að loknum leik Víkings Ólafsvíkur og Fram í 1. umferð Pepsi-deildar karla.

Gaupi og Leifur Garðarsson hlógu mikið þegar verið var að flytja Gaupa sem er eldri en tvævetur. Íþróttafréttamaðurinn líkti flutningnum við atvik á Ólympíuleikunum í Los Angeles árið 1984 þar sem hann var staddur með íslenska karlalandsliðinu í handbolta.

Á vellinum beið svo Þorvaldur Örlygsson, þjálfari Fram, sem eðlilega virtist eiga í smá erfiðleikum með að halda andliti.