Fyrstu tveir heimaleikirnir unnust í fyrsta sinn í tíð Óla Kristjáns

Blikar hafa unnið tvo 4-1 sigra í fyrstu tveimur heimaleikjum sínum í Pepsi-deild karla í sumar og um leið markað tímamót í þjálfaratíð Ólafs Kristjánssonar í Kópavoginum. Þetta er í fyrsta sinn sem Blikar vinna tvo fyrstu heimaleiki sína síðan að Ólafur tók við liðinu á miðju tímabili 2006.

Blikar höfðu fyrir þetta tímabil aðeins náð að vinna 3 af 12 fyrstu tveimur heimaleikjum sínum en náðu nú sex stigum og átta mörkum út úr leikjum sínum á móti Þór og ÍA.

Elfar Árni Aðalsteinsson (3 mörk) og Nichlas Rohde (2 mörk) hafa skorað í báðum þessum leikjum en Elfar Árni skoraði tvö og lagði upp eitt í sigrinum á Skagamönnum í gær.

Það stefndi reyndar í áframhald á hefð Blika að tapa stigum í fyrstu tveimur heimaleikjunum því Skagamenn voru 1-0 yfir þegar minna en tíu mínútur voru eftir af leiknum í gær. Blikar hrukku þá í gang og nýttu sér algjört hrun Skagamanna. Blikar skoruðu fjögur mörk frá 82. til 89. mínútu og tryggðu sér stórsigur.

Fyrstu tveir heimaleikir Blika síðan að Ólafur Kristjánsson tók við:

- tók við á miðju tímabili 2006

2007 - 1 stig, markatala: 2-3

0-1 tap fyrir Fylki

2-2 jafntefli við Keflavík

2008 - 1 stig, markatala: 3-6

0-0 jafntefli við Þrótt

3-6 tap fyrir Grindavík

2009 - 3 stig, markatala: 4-4

2-1 sigur á Þrótti

2-3 tap fyrir FH

2010 - 1 stig, markatala: 2-3

0-1 tap fyrir Keflavík

2-2 jafntefli við Fram

2011 - 3 stig, markatala: 4-4

2-3 tap fyrir KR

2-1 sigur á Grindavík

2012 - 3 stig, markatala: 1-1

0-1 tap fyrir ÍA

1-0 sigur á Val

2013 - 6 stig, markatala: 8-2

4-1 sigur á Þór

4-1 sigur á ÍA