Komnir á slysstað í Esju

Björgunarmenn í Esju hafa nú náð til göngukonunnar sem hrapaði og þeirra samferðamanna hennar sem biðu á slysstaðnum. Um þrjátíu manns sem voru einnig með þeim í för eru komin niður af fjallinu er og nú á leið til byggða í fylgd björgunarsveitarfólks. Á þessari stundu liggja ekki fyrir nákvæmar upplýsingar um ástand hinnar slösuðu.

Samkvæmt upplýsingum frá fulltrúa slökkviliðs hrapaði konan í fjallinu suður undir Hábungu. 25 fjallamenn voru sendir á staðinn auk vélsleða, fjórhjóla og snjóbíls. Þyrla Landhelgisgæslunnar komst ekki á loft sökum slakra veðurskilyrða

Björgunarsveitir hafa einnig verið kallaðar út til aðstoðar ferðafólki á skíðasvæðinu Skálafelli. Þar er snarbrjálað veður og ófærð. Verið er að bæta við björgunarfólki og tækjum til þess að sinna því verkefni en auk þess verða einhverjir björgunarsveitarhópar af biðsvæði við Esju sendir í það.