Íslenski boltinn

Guðmundur Steinn í Fram

Stefán Árni Pálsson skrifar
Guðmundur Steinn ásamt Bjarna Guðjónssyni.
Guðmundur Steinn ásamt Bjarna Guðjónssyni. mynd/fram
Guðmundur Steinn Hafsteinsson hefur gert tveggja ára samning við Fram en hann hefur leikið með Víking Ólafsvík síðustu tvö tímabil.

Guðmundur er framherji að upplagi sem er uppalinn hjá erkifjendunum í Val.

Bjarni Guðjónsson, nýráðinn þjálfari Fram, hefur verið duglegur að fá til sín unga og efnilega leikmenn að undanförnu en Guðmundur Steinn hefur aftur á móti nokkuð mikla reynslu í meistaraflokki.

Hér að neðan má lesa tilkynningu frá Fram:

Framherjinn Guðmundur Steinn Hafsteinsson skrifaði í kvöld undir tveggja ára samning við Fram.

Guðmundur Steinn sem er 24 ára hefur tvö undanfarin ár leikið með Víking Ólafsvík en hann lék áður með Val. Guðmundur Steinn var lykilmaður þegar Víkingur fór upp í úrvalsdeild 2012, þá skoraði hann 10 mörk í 20 leikjum og var valinn besti leikmaður 1. deildar af þjálfurum og fyrirliðum liðanna í deildinni.

Hann var fyrirliði Víkings bæði árin í Ólafsvík. Guðmundur Steinn á að baki 5 leiki með U19 ára liði Íslands. Bjarni Guðjónsson þjálfari Fram segist hafa miklar væntingar til þessa nýjasta leikmanns félagsins.

„Við erum ekki bara að fá flottan fótboltamann heldur einnig frábæran karakter.“

Fram býður Guðmund Stein hjartanlega velkominn í Safamýrina.



Pepsi Max-deild karla

Mest lesið


Fleiri fréttir

Sjá meira


×

Mest lesið