Guðlaugur Þór hrósaði Jóhönnu

Sá fáheyrði atburður varð á Alþingi í dag að Guðlaugur Þór Þórðarson, þingmaður Sjálfstæðisflokksins hrósaði Jóhönnu Sigurðardóttur forsætisráðherra. Hún tók hólinu vel þótt hún segðist honum annars ósammála í hundrað prósent tilvika.

Í óundirbúnum fyrirspurnum í morgun spurði Guðlaugur Þór hvers vegna Seðlabanki Íslands hefði enn ekki veitt ríkisstjórninn upplýsingar um laun 16 slitastjórna. Sagði hann þingmaður vinstri grænna hefði kallað eftir upplýsingunum ítrekað frá þáverandi fjármálaráðherra Árna Páli Árnasyni ekki fengið svör. Því yrði hann að spyrja hvort það væri stefna Samfylkingarinnar að greina ekki frá laununum.

„Þessi laun slitastjórnana hafa náttúrulega ofboðið öllu samfélaginu, þeirri sem hér stendur og væntanlega háttvitum fyrirspyrjenda líka," sagði Jóhanna.

Sagðist hún vilja gera allt til að upplýsa um launin og ætla kalla eftir upplýsingum um í gegnum Seðlabankann.

Guðlaugur var virtist einkar ánægður með svörin.

„Ég ætla ekki að koma hér til að spyrja, ég ætla koma hér til að hrósa. Það er augljóst að hæstvirtur ráðherra ætlar að beita sér í þessu máli og það er bara til fyrirmynda. Auðvitað svolítið seint en allt í góðu."

„Ég efast ekkert um það að hæstvirtur forsætisráherra mun fylgja þessum orðum sínum eftir og gera það í dag og ég vil bara hrósa fyrir það og þakka fyrir skýrt og gott svar."

Jóhanna þakkaði fyrir hrósið.

„Á þessum fjórum árum sem ég hef gegnt stöðu forsætisráðherra höfum við iðulega skipst á skoðunum ég og háttvitur þingmaður og ég held að það hafi verið næstum í 100 prósent tilvika að við höfum ekki verið sammála. Þess vegna fagna ég því mjög í þessum fyrirspurnartíma sem sennilega er minn næstsíðasti eða síðasti að ég fái hól frá engum öðrum en háttvirtum þingmanni Guðlaugi Þór og ég þakka bara fyrir það og mun geyma það í minningunni."