Útilaugin opin sundgestum

Ákveðið var að loka útilauginni í Salalaug í morgun vegna öskufjúks en hún hefur nú verið opnuð á ný. Starfsmaður hjá sundlauginni segir að lauginn hafi verið afar skítug. Gestir í Salalaug gátu því ekki fengið sér sundsprett í morgun.

Eins og Vísir hefur greint frá í dag hafa höfuðborgarbúar og íbúar á Suðurlandi orðið varir við mikið mistur og drullu sem sest á snjó og annað.

Samkvæmt upplýsingum frá Veðurstofu Íslands er ljóst að askan kemur frá Eyjafjallajökli og Grímsvötnum. Einnig er að ræða um mold úr lausum jarðvegi. Afar hvasst er á öllu Suðurlandi og berst askan og moldin með rokinu.



------

Uppfært klukkan 13:30

Búið er að opna útilaugina í Salalaug á ný.