Rúmlega 25 milljarða hagnaður hjá Landsbankanum

Rekstrarhagnaður Landsbankans nam 25,5 milljörðum króna eftir skatta á árinu 2012 samanborið við 17,0 milljarða króna á árinu 2011. Þetta kemur fram í uppgjöri bankans sem sent var fjölmiðlum síðdegis.

Arðsemi eigin fjár eftir skatta var 12,0% samanborið við 8,4% arðsemi á árinu 2011. Eiginfjárhlutfall bankans (CAR – Capital Adequacy Ratio) hefur aldrei verið hærra og nam það 25,1%. Í ársbyrjun 2010 var hlutfallið 14,9%.

„Afkoma ársins 2012 er góð og bankinn býr að sterkri eiginfjár- og lausafjárstöðu sem gefur honum sóknarfæri. Styrkur bankans felst ekki síður í viðskiptavinum hans og er sérstaklega ánægjulegt að sjá að ánægð- ustu viðskiptavinir fjármálafyrirtækja eru hjá Landsbankanum samkvæmt Íslensku ánægjuvoginni. Enn er þó verk að vinna," segir Steinþór Pálsson bankastjóri.

Uppgjör bankans í heild sinni má sjá í viðhengi hér fyrir neðan (pdf). Ítarefni um uppgjör bankans má finna á heimasíðu hans, sjá hér.