Innlent

Byrjar að kólna um allt land á morgun

Fanney Birna Jónsdóttir skrifar
„Það fer að snúast í norðanátt á morgun og þá fer að kólna,“ segir Þorsteinn veðurfræðingur.
„Það fer að snúast í norðanátt á morgun og þá fer að kólna,“ segir Þorsteinn veðurfræðingur.
Vakthafandi veðurfræðingur á Veðurstofunni segir að það fari að kólna allverulega á morgun.

Aðfararnótt föstudags og á föstudaginn verður virkilega kalt, en Þorstenn Jónsson veðurfræðingur segir að búast megi við allt að 15-20 stiga frosti inn til landsins og um 10 stigum á höfðborbarsvæðinu á föstudaginn.

„Það fer að snúast í norðanátt á morgun og þá fer að kólna. Það verður mikið frost um land allt. Fyrir norðan og austan fylgir snjókoma þessari norðanátt,“ segir Þorsteinn.

Hann segir að það fari að snjóa á norðurlandi í nótt og fram á morgun og austanlands fari að snjóa á fimmtudeginum.

„Á föstudaginn fer svo að létta til á öllu landinu, en þá um kvöldið kemur lægð upp að landinu með snjókomu sunnan og vestanlands og getur snjóað þar fram á morgun. Fer svo út í rigningu meira á laugardeginum,“ segir Þorsteinn.

Þorsteinn segir frostið aðallega vera bundið við fimmtudag og föstudag en svo dregur úr því um helgina.

„Þetta byrjar með því að það kólnar á morgun, reyndar er frost núna eiginlega alls staðar nema sums staðar við ströndina. Enn þetta verður kaldara á morgun og kalt fram að helgi,“ segir Þorsteinn.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.