Miðasala á leik Íslands og Króatíu hófst í nótt

Miðasala á leik Íslands og Króatíu í umspilinu um sæti á heimsmeistaramótinu í knattspyrnu sem fram fer í Brasilíu á næsta ári hófst rétt eftir klukkan fjögur í nótt.

Leikurinn fer fram þann 15. nóvember á Laugardalsvellinum og liðin mætast síðan á ný ytra þann 19. nóvember.

Búist er við því að uppselt verði á leikinn innan skamms eða á næstu klukkustundum.

Uppselt var á leik Íslands og Kýpur í sömu undankeppni um mánuði fyrir leik en leikurinn gegn Króötum er án efa stærsti leikur í sögu íslenska karlalandsliðsins.

Miðasalan fer fram á vefsíðunni midi.is