Hitti Eurovision-stjörnu sem elskar Ísland

Verslunarkeðjan Lindex kynnti í síðustu viku nýja fatalínu á Fotografiska safninu í Stokkhólmi í Svíþjóð ásamt því að vekja athygli á baráttunni gegn brjóstakrabbameini.

Engin önnur en Loreen, sem sigraði Eurovision í fyrra, steig þar á svið og tók nokkur lög fyrir gesti. Hugrún Halldórsdóttir, einn af umsjónarmönnum Ísland í dag, var á staðnum og hitti sjálfa Loreen. Eins og sjá má á myndunum fór vel á með þeim.

Hún var ósköp indæl

„Hún var ósköp indæl. Við hittum hana fyrir viðburðinn og hún gaf sér tíma til að tala við okkur þó svo að fylgdarliðið hafi rekið á eftir henni. Við fengum svo viðtal við hana að loknum tónleikum þar sem hún talaði um baráttuna gegn brjóstakrabbameini og hvernig hún leggur henni lið. Þá varð hún rosalega hrifin þegar hún heyrði að við værum frá Íslandi og lét gamminn heldur betu geysa um landið," segir Hugrún.

Viðtal Hugrúnar við Loreen verður sýnt í Íslandi í dag strax að loknum fréttum á föstudaginn.

Elísabet Gunnarsdóttir, tískubloggari á Trendnet var einnig viðstödd kynninguna en hún gaf okkur leyfi til að birta þessar myndir.

Post by Lífið á Visir.is.