Bam Margera heilsaði upp á aðdáendur

Bam Margera, úr sjónvarpsþáttunum Jackass, stendur fyrir tónleikum í Hafnarhúsinu á laugardag. Tónleikarnir fara fram í kjölfar brúðkaupsveislu Margera og unnustu hans, Nicole Boyd, og verða hluti af lokaatriði kvikmyndarinnar Lets go to jail.

Meðal þeirra hljómsveita er koma fram á tónleikunum eru Sísí Ey, Kaleo, Endless Dark, Emmsjé Gauti og loks hljómsveit Margera sjálfs, Fuckface Unstoppable. Tónleikarnir eru til styrktar hjólabrettamenningar á Íslandi.

Bam heimsótti hjólabrettaverslunina Brim á Laugavegi í gær og heilsaði þar upp á aðdáendur sína.