Ókátir kvikmyndagerðarmenn

Samband íslenskra kvikmyndaframleiðenda lýsir yfir miklum vonbrigðum þá ákvörðun stjórnvalda að skera niður framlög til Kvikmyndasjóðs um 42 prósent á næsta ári frá því sem áætlað hafði verið.

Sambandið áætlar að tekjur ríkissjóðs lækki um 615 milljónir vegna þessa, yfir 200 ársverk tapist í greininni og að þjóðarbúið verði af yfir hálfum milljarði í erlendum gjaldeyri, strax á næsta ári.

Í yfirlýsingu sem samþykkt var í gærkvöldi er þetta harmað en að mati kvikmyndagerðarmanna segir það sig sjálft að uppbygging á atvinnugrein sem þurfi sífellt að búa við slík skilyrði hafi sé erfið og ljóst að enn á ný muni Íslendingar sjá á baki að baki margs af færasta fólkinu sem mun leita í vellaunuð störf erlendis. 

Auk þessara efnahagslegu áhrifa segja kvikmyndagerðarmenn ótalin þau menningarverðmæti sem Ísland verði af því gangi þetta eftir verði framleidd færri innlend verk á íslensku, fyrir Íslendinga.