Lífið

Amma fílar þú myndbandið hennar Miley?

Ellý Ármanns skrifar
Amma Unnar er 87 ára.
Amma Unnar er 87 ára.
„Undirbúningurinn gengur mjög vel. Ég byrjaði í tökum í síðustu viku og er búin að kíkja á skemmtilega viðburði og hitta skemmtilegt fólk," segir söngkonan Unnur Eggerts sem byrjar með nýjan sjónvarpsþátt sem ber heitið Popp og kók á Stöð 2 á morgun föstudag.



Unnur byrjar með þáttinn sinn á morgun.
Fyndið að heyra hvað ömmu finnst

„Þátturinn er klárlega fyrir alla fjölskylduna. Ég fer bæði yfir fréttir úr tónlistar- og kvikmyndarheiminum og hitti fólk í tengslum við það en svo fer ég líka heim til ömmu minnar og fæ hennar álit á því sem er í gangi í okkar poppkúltúr."

„Það er mjög fyndið að heyra hvað ömmu finnst um nýja myndbandið hennar Miley," segir Unnur jafnframt.

„Ég fékk svo hljómsveitina Sykur til að taka lagið fyrir mig."
Gerðist allt mjög hratt

„Þetta er bara búið að vera mikið ævintýri. Þetta gerðist allt mjög hratt. Allt í einu var ég orðin dagskrárgerðarmaður með minn eigin þátt og svo var ég liggur við daginn eftir farin í tökur. Ég hef enga reynslu af því að vera „hinum meginn" í viðtali en þetta ferli er búið að vera mjög lærdómsríkt og skemmtilegt. Ég hlakka mikið til að halda áfram að vinna í þessu í vetur og hitta áhugavert fólk sem er að gera skapandi hluti."

„Ég hvet alla til að horfa annað kvöld klukkan 19:20 á Stöð 2 í opinni dagskrá," segir Unnur.

Stöð2.is






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.