Lífið

NBA 2K14 er kominn til landsins

Gunnar Leó Pálsson skrifar
Lebron James gerir sig kláran fyrir NBA 2K14.
Lebron James gerir sig kláran fyrir NBA 2K14.
„NBA 2K14 er mjög skemmtilegur leikur og grafík leiksins er alveg frábær," segir Ágúst Guðbjartsson, framkvæmdastjóri Skífunnar og Gamestöðvarinnar um nýja leikinn.

NBA 2K14 fór í sölu í dag í Gamestöðinni og ætti enginn áhugamaður um körfuknattleik að láta leikinn fram hjá sér fara. „Þessir leikir hafa stækkað mikið undanfarin ár. Fótboltaleikurinn Fifa var alltaf miklu stærri en körfuboltaleikirnir, en núna eru þeir að nálgast þá í vinsældum og virðingu," bætir Ágúst við.

Það kemur hins vegar á óvart, að leikurinn er töluvert ódýrari en aðrir sambærilegir leikir. „Hann er um það bil fimmtán prósentum ódýrari en hinir stóru leikirnir."

Gera má ráð fyrir að áhugamenn landsins um körfuknattleik, hafi beðið eftir leiknum með mikilli eftirvæntingu, en áhugi á körfuknattleik á Íslandi hefur aukist mikið undanfarin ár.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.