Bentu á þann sem að þér þykir bestur - Elite Model Look 2013
Ellý Ármanns skrifar
Smelltu á myndina til að skoða alla keppendur.
Úrslit í Elite Model Look, 2013 fara fram á morgun, fimmtudag. Elite heldur þessa stærstu fyrirsætukeppni í heimi 30. árið í röð. Keppnin hefur gefið þúsundum stúlkna á aldrinum 14 til 22 ára tækifæri til að láta draum sinn rætast og feta í fótspor heimsþekktra Elite fyrirsæta eins og Cindy Crawford, Stephanie Seymour, Gisele Bundchen, Sigrid Agren og Constance Jablonski.
Í ár fengu strákar einnig tækifæri til að taka þátt í keppninni. Yfir 300 manns mættu í prufur sem haldnar voru í Kringlunni og á Glerártorg 7. og 8 september eða skráðu sig í kosningu sem á netinu. Alls voru 12 strákar og 12 stúlkur valin til að taka þátt í úrslitakepnninni.
Hópurinn sem komst í úrslit hefur verið í æfingarbúðum undanfarnar 2 vikur til að undirbúa þau fyrir fyrirsætuheiminn. Þau hafa farið í ýmsar myndatökur og gönguæfingar, fræðslu um heilsu og næringu og líkamsrækt í World Class.
Það er til mikils að vinna því stúlkan sem vinnur hér heima tekur svo þátt í Elite Model Look World í Kína en þar koma sama sigurvegarar frá 70 löndum. Stúlkurnar sem raða sér í efstu sætin þar hljóta samning hjá Elite World og feta í fótspor fyrirsæta einso Cindy Crawford, Linda Evangelista, Stephanie Seymor og Gisele Bundchen en þær voru allar uppgötvaðar í gegnum Elite Model Look keppnina.
Strákurinn sem vinnur fær tækifæri til að fara til Elite Model í London og mun hann dvelja þar um stund, fara í myndatökur og fá þjálfun í hvernig er að vera alþjóðleg fyrirsæta og fær aðstoð við að byggja upp möppuna sína.
