Banna sölu á mentólsígarettum

Samkvæmt nýrri reglugerð um tóbaksvarnir sem samþykktar voru hjá Evrópuþinginu í dag verða bragðbættar sígarettur bannaðar, þar á meðal sígarettur með mentólbragði. Hugmyndin með banninu er að reyna að draga úr reykingum hjá ungu fólki.

Johann Thulin Johansen, sem rekur tóbaksbúðina Björk í Bankastræti, segir mentólsígarettur vera lítinn hluta af sígarettusölunni. Þó sé ákveðinn hópur sem vilji slíkar sígarettur en að hans áliti er það frekar eldra fólk sem sækir í mentól en það yngra.

"Mentól er alls ekki bragð sem höfðar sérstaklega til yngri reykingarmanna," segir Johann Thulin.