Nota snigla til að hreinsa andlitið

Japönsk snyrtistofa býður nú upp á nýja aðferð sem á að hjálpa konum að losna við dautt skinn og hreinsa svitaholur.  Aðferðin felst í því að sniglar eru settir á andlit fólks og þar sem þeir fá að skríða frjálsir um.

Galdurinn við aðferðina felst í slíminu sem sniglarnir skilja eftir. Meðferðin tekur um klukkustund og kostar hver tími 160 pund eða um 30 þúsund krónur.

"Þú getur fundið sniglana skríða á andlitinu á þér. Mér brá í fyrstu en svo varð þetta mjög notalegt. Húðin er virkilega mjúk á eftir," sagði Sayka Ito, viðskiptavinur stofunnar. 

Myndband af snigalmeðferðinni má sjá hér að neðan.