Buffon í bullinu gegn Bayern | Myndband af marki Alaba

Bayern München er komið með annan fótinn í undanúrslit Meistaradeildar Evrópu eftir 2-0 heimasigur á Juventus í kvöld. Gianluigi Buffon, markvörður Juventus, vill líklega gleyma leiknum sem fyrst.

Leikurinn byrjaði ótrúlega. Bayern óð upp völlinn og skot Alaba af löngu færi sigldi í fjærhornið eftir 25 sekúndna leik. Buffon hefði átt að gera betur í marki Juve.

Þrátt fyrir fína tilburði tókst liðunum ekki að bæta við frekari mörkum í fyrri hálfleik.

Buffon varð aftur á er tæpur hálftími lifði leiks. Hann hélt ekki bolta sem féll fyrir fætur Mandzukic. Hann lagði boltann á Thomas Müller sem mokaði honum auðveldlega yfir línuna.

Tvö ódýr mörk hjá Bayern sem var engu að síður sterkari aðilinn og fer með sterka stöðu í síðari leikinn á Ítalíu.

Hér að ofan má sjá fyrra mark Bayern í leiknum.