Pique: Höfðum alltaf trú á þessu

Barcelona vann stórkostlegan 4-0 sigur á AC Milan í kvöld og komst áfram 4-2 samanlagt. Barcelona bauð upp á frábæra knattspyrnusýningu.

"Við höfðum trú á þessu frá fyrstu mínútu og spiluðum algjörlega frábæran leik," sagði varnarmaður Barcelona, Gerard Pique, eftir leikinn.

Fyrir leik bað Pique þá stuðningsmenn sem ekki höfðu trú á liðinu að vera heima hjá sér.

"Það hjálpaði mikið að skora snemma í leiknum og þá komu áhorfendur virkilega með okkur. Við vorum betri frá upphafi og uppskárum eins og við sáðum."