Æfingu í Slóveníu frestað vegna snjókomu

Íslenska karlalandsliðið í knattspyrnu er komið til Slóveníu þar sem liðið undirbýr sig fyrir leik gegn heimamönnum á föstudaginn.

Undirbúningurinn gæti gengið betur því íslenska liðið varð að fresta æfingu í dag vegna veðurs. Það snjóar grimmt í Ljubljana og því verða strákarnir að lyfta í ræktinni í staðinn.

Leikurinn á föstudag er fimmti leikur liðanna í undankeppni HM.

Ísland er í fjórða sæti riðilsins með sex stig en Slóvenía er í næsta sæti á eftir með þrjú stig.