Snjóflóðahætta á Austfjörðum - einnig hætta á Vestfjörðum

Snjóflóðahætta er á Austfjörðum en á vef Veðurstofu Íslands kemur fram að töluvert nýsnævi hefur bæst ofan á gamla snjóinn sem var fyrir um helgina og hafa flóð fallið til fjalla.

Krapi er í byggð en ofan við 300 metra er snjór þurr. Áframhaldandi úrkomu er spáð næsta sólarhring en á miðvikudag ætti að létta til. Óstöðugleiki gæti verið áfram í nýja snjónum eftir að úrkoma hættir.

Einnig er hætta á snjóflóðum á utanverðum Tröllaskaga nærri Siglufirði og Ólafsfirði. Gamli snjórinn er orðinn gegnfrosinn og stöðugur. Töluvert nýsnævi hefur bæst ofan á gamla snjóinn sem var fyrir um helgina og hafa flóð fallið til fjalla. Enn er töluverð úrkoma í kortunum. Krapi er á láglendi en frost í fjallahæð. Hætta er á að nýr snjór bindist illa við þann sem fyrir er og því gæti skapast mikil snjóflóðahætta til fjalla.

Þá er mikil hætta á norðanverðum Vestfjörðum.

Gamli snjórinn er orðinn gegnfrosinn og stöðugur. Litið nýsnævi bættist við í hvössu veðri um helgina. Von er á meiri ofankomu. Hætta er á að nýr snjór bindist illa við þann sem fyrir er og því gæti skapast mikil snjóflóðahætta til fjalla.