Ellismellurinn: Arnar og Bjarki fyrir tuttugu árum

Í Ellismellinum í Pepsi-mörkunum í gærkvöldi var farið tuttugu ár aftur í tímann þegar hús var tekið á Arnari og Bjarka Gunnlaugssonum.

Tvíburarnir spiluðu þá saman með liði Skagamanna í efstu deild en liðið var nýliði í deildinni. Óhætt er að segja að bræðurnir hafi slegið í gegn en liðið varð Íslandsmeistari síðar um sumarið og reyndar unnu Skagamenn titilinn næstu fjögur árin.

Mikla athygli vakti Volkswagen Golf bifreið þeirra bræðra sem hafa verið þekktir fyrir öllu dýrari bifreiðarkost í seinni tíð.