Napoli-liðið hitaði upp fyrir seinni leikinn á móti Chelsea í Meistaradeildinni með því að vinna 6-3 sigur á Cagliari í ítölsku úrvalsdeildinni í fótbolta í kvöld. Inter Milan vann á sama tíma langþráðan sigur á útivelli á móti Chievo.
Napoli mætir Chelsea á Stamford Bridge í 16 liða úrslitum Meistaradeildarinnar á miðvikudaginn en ítalska liðið vann fyrri leikinn 3-1. Napoli-liðið er í 4. sæti átta stigum á eftir toppliði AC Milan sem á líka leik til góða.
Marek Hamsík, Paolo Cannavaro, Ezequiel Lavezzi, Walter Gargano og Christian Maggio skoruðu allir fyrir Napoli en sjötta markið var sjálfsmark. Cagliari minnkaði muninn í 3-1, 5-1 og 6-3 með þremur mörkum frá Argentínumanninum Joaquin Larrivey.
Argentínumennirnir Walter Samuel og Diego Milito tryggðu Inter Milan 2-0 útisigur á Chievo með mörkum á síðustu þremur mínútunum. Wesley Sneijder lagði upp það fyrra en Javier Zanetti það síðara.
Inter var ekki búið að vinna í síðustu sjö deildarleikjum eða frá 2-1 sigri á Lazio 22. janúar síðastliðinn. Inter komst upp í sjötta sætið með þessum sigri.
Napoli skoraði sex mörk - langþráður sigur hjá Inter
Óskar Ófeigur Jónsson skrifar

Mest lesið



Heitir Valsmenn fara á toppinn með sigri
Íslenski boltinn


Tottenham leitar réttar síns eftir ákvörðun INEOS
Enski boltinn


Milner spilar til fertugs í von um að slá leikjametið
Enski boltinn


