Leik Blackburn þurfti að blása af vegna óláta

Æfingaleik Blackburn Rovers og NEC Nijmegen sem fram átti að fara í gær þurfti að blása af þar sem kastaðist í kekki milli stuðningsmanna félaganna.

Í yfirlýsingu frá hollensku lögreglunni kemur fram að stuðingsmenn Blackburn hafi lenti saman við stuðningsmenn hollenska félagsins í á laugardag.

„Bæjarstjórinn í Nijmegen hefur ákveðið að blása af æfingaleik NEC og Blackburn Rovers," segir í yfirlýsingunni en leikurinn átti að fara fram á árlegum hátíðardegi hollenska félagsins.

Reiknað var með um átta þúsund áhorfendum, mest megnis fjölskyldufólki á leikinn í dag. Ekki þótti skynsamlegt að láta leikinn fara fram í ljósi tíðinda gærdagsins.

Á heimasíðu Blackburn lýsir félagið því yfir að það sé, líkt og það hollenska, vonsvikið með að hætta hafi þurft við leikinn.

Blackburn lék sinn fyrsta æfingaleik í Hollandi á föstudagskvöld. Þá tapaði liðið 4-2 gegn Go Ahead Eagles.