Óska eftir fundi um rammaáætlun

Fjórir þingmenn Sjálfstæðisflokksins í umhverfis- og samgöngunefnd og í atvinnuveganefnd Alþingis, tóku seint í gærkvöldi eindregið undir óskir fulltrúa Framsóknarflokksins í nefndunum frá því í gær.

Þeir óska þess að þegar verði boðað til sameiginlegs fundar í dag, vegna yfirlýsinga Alþýðusambandsins um afgreiðslu rammaáætlunar.

Óskað er eftir að fulltrúar ASÍ og atvinnulífsins komi á fundinn og vilja Sjálfstæðismennirnir að fundurinn verði opinn. Fulltrúar beggja flokka vilja að hann verði haldinn áður en umræða um rammaáætlun heldur áfram, en það stendur til klukkan hálf ellefu.