Facebook bannar Hildi í fimmta skiptið

Feminíski aðgerðarsinninn, Hildur Lilliendahl, hefur aftur verið úthýst af Facebook samkvæmt eigin tilkynningu á síðunni. Þar kemur fram að hún hafi verið úrskurðuð í 30 daga bann á Facebook þar sem hún birtir hlekki á ummæli sem birtust í athugasemdakerfi DV.

Þetta er fimmta bannið sem Hildur lendir í, síðast var hún í banni í nóvember fyrir að birta ummæli karlmanns sem sagðist vera tilbúinn til þess að bakka bíl sínum yfir Hildi og skilja eftir í handbremsu. Samkvæmt reglum Facebook má ekki birta skjámyndir af stöðuuppfærslum annarra.

Það mál vaktir reyndar tölvuerða athygli fyrir utan landsteinana en meðal annars fjallaði breska blaðið Daily Telegraph um málið.

Ekki náðist í Hildi vegna málsins, en á Facebook-síðu sinni skrifar hún einfaldlega: „Facebook-bann númer fimm. Sjáumst eftir áramót!"

Svo hlekkjar hún á þessa færslu.