Blása til stórsóknar í kornrækt

Bændur á Suðurlandi ætla að blása til stórsóknar í kornrækt og segjast geta fimmfaldað tekjur sínar. Einn helsti sérfræðingur landsins í þessu fagi segir að stöðnun hafi ríkt í greininni síðustu ár.

Kornræktarfélag Suðurlands boðar til fundar um korn og repjurækt á Hótel Hvolsvelli en það var Ólafur Eggertsson, bóndi á Þorvaldseyri undir Eyjafjöllum, sem hafði veg og vanda af fundinum en hann er formaður félagsins.

Fundurinn var mjög vel sóttur og greinilega mikill hugur í kornbændum um að stórefla ræktunina . Á fundinum var einnig kynnt hagkvæmnisathugun á að reisa risa þurrkstöð fyrir korn á Suðurlandi. Einn helsti sérfræðingur landsins segir að stöðnun hafi verið í kornrækt á Íslandi síðustu ár, en í myndskeiðinu hér að ofan má sjá viðtal við hann.