Ribery kýldi Robben | Orðnir vinir á ný

Franck Ribery og Arjen Robben, leikmenn FC Bayern, tókust á eftir leik Bayern og Real Madrid í vikunni sem endaði með því að Ribery kýldi Robben í andlitið.

Hermt er að Bayern hafi sektað Frakkann um 50 þúsund evrur fyrir höggið. Hann féll fyrir vikið í ónáð hjá stuðningsmönnum félagsins en vann eflaust einhverja til baka með sigurmarki gegn Werder Bremen í uppbótartíma í dag.

Þeir félagar virðast vera búnir að sættast og Ribery vildi ólmur sanna það fyrir heiminum er hann hljóp að Robben eftir leikinn í dag og tók í hendina á honum. Robben sat þá á bekknum og tók glaður í hendina á Ribery.

Það er eins gott fyrir liðið að mórallinn sé í lagi því á miðvikudag mætir Bayern liði Real Madrid í gríðarlega mikilvægum leik í Meistaradeildinni.