Mun ódýrara að leyfa fötluðum að velja aðstoðarfólk

Notendastýrð persónuleg aðstoð fyrir fatlaða á ekki aðeins eftir að breyta lífi margra þeirra sem koma til með njóta þeirrar þjónustu, en hún gæti einnig sparað sveitarfélögum stórfé ef marka má reynslu nágrannaþjóða.

Notendastýrð Persónuleg Aðstoð, eða NPA, gengur út að fatlaðir fái greiðslur í staðinn fyrir þjónustu og geti síðan ákveðið og valið hvernig þjónustu þeir fá. Valdið færist frá þjónustukerfinu, stofnunum, til fólksins.

Reykjavík kannar nú hve margir hafa áhuga á að nýta sér NPA, en gert er ráð fyrir að þjónustan verði lögbundin árið 2014.

En hvernig mun NPA ganga fyrir sig. Við skulum kanna það nánar.

Til að byrja með þarf sá fatlaði að semja við Reykjavíkurborg um þjónustuþörfina. Það er að segja hversu marga klukkutíma á dag aðstoðar frá aðstoðarmanni er þörf.

Tökum dæmi og segjum að það séu 10 klukkustundir á dag. Undir slíkum kringumstæðum myndi Reykjavíkurborg greiða viðkomandi einstaklingi 840 þúsund krónur á hverjum einasta mánuði.

10% eða 84þúsund á að fara í umsýslsukostnað. Það er að segja kostnað sem einstaklingurinn á borga sjálfum sér eða öðrum, til dæmis endurskoðanda, fyrir sjá um launagreiðslur aðstoðarmanna, halda utan um launatengd gjöld, stéttarfélög, lífeyrissjóði og svo framvegis.

5% af heildarupphæðinni 42500 má ráðstafa í útgjöld aðstoðarmannsins, ef ég færi bíó með vinum mínum og aðstoðarmaðurinn þarf að koma með vegna fötlunar minnar, þá get ég notað hluta af þessari upphæð til að borga bíómiða aðtoðarmannsins.

Langstærsti hluti upphæðarinnar 85% eða 714 þúsund fara í laun aðstoðarmanna, þá er gert ráð fyrir 1300 kalli á tímann í dagvinnu en gert ráð fyrir kvöld, helgar og stórhátíðarálagi.

Svona endurtekur þetta sig svo á hverjum einasta mánuði. Sá fatlaði verður eins konar framkvæmdastjóri yfir sínu eigin lífi í stað þessa að þiggja þjónustu frá stofnunum.