Lífið

Human Woman á samning í Þýskalandi

Human Woman Gísli Galdur og Jón Atli eru að vonum ánægðir með útgáfusamninginn, en þeir skipa teknódúettinn Human Woman. Til vinstri með þeim á myndinni er plötusnúðurinn Margeir, sem spilaði undir í grillveislunni.
Human Woman Gísli Galdur og Jón Atli eru að vonum ánægðir með útgáfusamninginn, en þeir skipa teknódúettinn Human Woman. Til vinstri með þeim á myndinni er plötusnúðurinn Margeir, sem spilaði undir í grillveislunni.
lISTAPAR Ljósmyndarinn Jói Kjartans og listakonan Hildur Hermanns létu sig ekki vanta, en Jói boðaði endalok kreppunnar á stuttermabol sínum.
Jón Atli og Gísli Galdur í Human Woman gefa út smáskífu hjá þýska útgáfufyrirtækinu HFN í haust. Þessum áfanga var fagnað á Faktorý um síðustu helgi.

„Við erum rosalega ánægðir með þetta og auðvitað er heiður að deila útgáfufyrirtæki með flottum listamönnum,“ segir Jón Atli Helgason, en teknódúett hans og Gísla Galdurs Þorgeirssonar, Human Woman, var að komast á samning hjá þýsku tónlistarútgáfunni HFN.

Aðrir listamenn sem eru á mála hjá útgáfunni eru plötusnúðarnir Trentemöller og Kasper Björke, sem báðir hafa spilað hérlendis.

„Við stefnum á að gefa út okkar fyrstu smáskífu í haust og sjá svo hvað setur,“ segir Jón Atli, sem staddur er hér á landi í stuttri heimsókn, en hann er búsettur í Kaupmannahöfn.

Til að fagna útgáfusamningnum sló Human Woman upp grillveislu og tónleikum á Faktorý um helgina þar sem aðdáendur sveitarinnar dilluðu sér fram eftir nóttu. - áp

Flott Heimir Sverrisson leikmyndahönnuður og Brynhildur Guðjónsdóttir leikkona fögnuðu með Human Woman.
Rauðar kúlur Linda Loeskow og plötusnúðurinn Natalie Gunnarsdóttir drukku kokkteila úr rauðum kúlum.
sTUÐ Þessi skemmti sér konunglega í grillpartíinu, þar sem Gísli og Jón Atli buðu upp á grillaða sykurpúða.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.