Bandaríska fréttatímaritið Time hefur valið Mótmælandann sem manneskju ársins.
Valið var tilkynnt í sjónvarpsþættinum The Today Show á sjónvarpsstöðinni NBC í dag.
Tímaritið vísar til mótþróans í Austurlöndum nær sem dreifst hafa til Evrópu og Bandaríkjanna. Í tilkynningu frá Time kemur fram að mótmælendurnir séu að endurmóta pólitískt landslag alþjóðasamfélagsins.
Á síðasta ári hlaut Mark Zuckerberg verðlaunin en hann er stofnandi og stjórnarformaður samskiptasíðunnar Facebook.
Verðlaunin eru veitt þeim sem tímaritið telur að hafi haft mestu áhrif á liðnu ári.
Mótmælandinn er manneskja ársins
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
