Lærisveinar Guardiola hafa enn tangarhald á Madrídingum Eiríkur Stefán Ásgeirsson skrifar 10. desember 2011 00:01 Nordic Photos / AFP Börsungar sýndu í kvöld að þeir eru ekki dauðir úr öllum æðum því liðið gerði sér lítið fyrir og vann topplið Real Madrid á Santiago Bernabeu í spænsku höfuðborginni í kvöld, 3-1. Með sigri hefðu Madrídingar aukið forystu sína í deildinni í sex stig auk þess að eiga leik til góða. En þess í stað eru liðin jöfn að stigum en Barcelona skellti sér á toppinn með sigrinum þar sem liðið er með betra markahlutfall. Real á þó enn leikinn til góða. Barcelona hefur haft mikla yfirburði í knattspyrnuheiminum undanfarin ár en virtust þó hafa gefið eilítið eftir í upphafi tímabilsins á Spáni. Real Madrid hafði nýtt sér það til að komast í góða stöðu á toppi deildarinnar en eftir leikinn í kvöld er titilbaráttan galopin enn á ný. Real Madrid komst þó yfir í leiknum með marki eftir aðeins 21 sekúndu. Karim Benzema var þar að verki en Alexis Sanchez jafnaði svo metin á 30. mínútu. Marcelo varð svo fyrir því óláni að skora sjálfsmark í upphafi seinni hálfleiks áður en Cesc Fabregas gerði endanlega út um leikinn með marki 25 mínútum fyrir leikslok. Pep Guardiola, stjóri Barcelona, hefur því enn ekki tapað fyrir Real Madrid síðan hann tók við Börsungum árið 2008 en hann kom mörgum á óvart í kvöld með því að veðja á Sanchez í byrjunarliðinu í stað David Villa. Sú ákvörðun átti eftir að borga sig. Cristiano Ronaldo náði sér ekki á strik í leiknum en fékk þó tvo mjög góð færi til að skora í leiknum. Aldrei þessu vant brást honum bogalistin. Lionel Messi hjá Barcelona skoraði ekki heldur en lagði þó upp jöfnunarmark sinna manna. Leikurinn byrjaði ótrúlega en Victor Valdes, markvörður Barcelona, átti lélega spyrnu frá marki með sinni fyrstu snertingu í leiknum og barst boltinn á Angel di Maria og svo Mesut Özil sem reyndi skot að marki. Boltinn fór af varnarmanni Barcelona og beint fyrir fætur Karim Benzema sem var dauðafrír rétt utan markteigs og skoraði örugglega eftir aðeins 21 sekúndu - sannarleg ótrúleg byrjun á leiknum. Fimm mínútum síðar eða svo kom svo fyrsta færi Barcelona. Lionel Messi hirti boltann af Sergio Ramos í vörn Real, keyrði inn í teig og skaut að markinu. En Iker Casillas varði vel frá honum. Á 25. mínútu síðar fékk svo Ronaldo gott skotfæri eftir góðan undirbúning Benzema. Ronaldo var dauðafrír þegar hann fékk boltann á vítateigslínunni en skot hans slakt í þetta skiptið og hæfði ekki markið. Jöfnunarmarkið kom svo á 30. mínútu. Lionel Messi fékk boltann á miðjunni og tók góðan sprett fram á völlinn, renndi boltanum á Alexis Sanchez sem skildi Pepe eftir og skoraði með hnitmiðuðu skoti neðst í markhornið fjær. Frábært mark og umdeild ákvörðun Pep Guardiola, stjóra Barcelona, að setja Sanchez í byrjunarliðið á kostnað David Villa borgaði sig. Staðan því jöfn, 1-1, þegar flautað var til hálfleiks en bæði lið áttu þrátt fyrir mörkin tvö talsvert inni fyrir síðari hálfleikinn. Síðari hálfleikur var ekki gamall þegar að Barcelona náði að komast yfir. Boltinn barst til Xavi rétt utan vítateigs og skaut hann að marki. Boltinn breytti mikið um stefnu á Marcelo, varnarmanni Real Madrid, og skoppaði í markið - fram hjá Casillas markverði sem var á leiðinni í hitt hornið. Sjálfsagt þarf að bíða eftir skýrslu dómara til að fá á hreint hvort að markið skráist á Xavi eða Marcelo en spænsku sjónvarpsmennirnir skráðu markið á þann síðarnefnda. Á 65. mínútu fékk Ronaldo annað dauðafæri í leiknum. Hann var einn og óvaldaður rétt utan markteigs þegar hann fékk sendingu frá Xabi Alonso en skalli hans fór framhjá. Aðeins mínútu síðar kom þriðja mark Börsunga. Cesc Fagregas skoraði með skalla af miklu harðfylgi af stuttu færi eftir sendingu Sanchez. Varnarmaður Real var í Fabregas sem hafði betur í baráttunni og skilaði knettinum í markið. Markið gerði í raun út um leikinn en bæði lið fengu tækifæri til að bæta við mörkum en án árangurs. Spænski boltinn Mest lesið „Þetta var minn síðasti körfuboltaleikur“ Körfubolti Markmaðurinn á batavegi eftir harkalegt höfuðhögg Fótbolti „Ég kom til Íslands með eitt markmið“ Körfubolti Börsungar sneru við blaðinu gegn botnliðinu Fótbolti Uppgjörið: Álftanes - Tindastóll 90-105 | Stólarnir komnir í úrslit Körfubolti „Við gátum ekki farið mikið neðar“ Íslenski boltinn Fyrsta mark Eggerts í fimmta sigri Brann í röð Fótbolti Hamar jafnaði einvígið með stórsigri Körfubolti Uppgjörið: Stjarnan - Valur 1-0 | Stjarnan fyrst til að skora gegn Val Íslenski boltinn Dagskráin í dag: Sextán beinar útsendingar Sport Fleiri fréttir Markmaðurinn á batavegi eftir harkalegt höfuðhögg Börsungar sneru við blaðinu gegn botnliðinu „Við gátum ekki farið mikið neðar“ Fyrsta mark Eggerts í fimmta sigri Brann í röð Uppgjörið: Stjarnan - Valur 1-0 | Stjarnan fyrst til að skora gegn Val Kirsuberin komu til baka og stálu sigri af Skyttunum FH-ingar kláruðu Akureyringa á korteri og jöfnuðu Blika á toppnum Benóný kom inn af bekknum og skoraði í lokaumferðinni Leik lokið: Þróttur - Tindastóll 1-0 | Eina markið skorað úr fyrstu sókn leiksins Klúður hjá Everton gegn Ipswich og langþráður sigur Leicester Uppgjörið: Fram - FHL 2-0 | Fram nældi í sín fyrstu stig í nýliðaslagnum við FHL Uppgjörið: Breiðablik - Víkingur 4-0 | Meistararnir með markaveislu í sólinni Leipzig jafnaði á elleftu stundu og Bayern þarf enn að bíða Vardy blés í flautu dómarans þegar hann féll við Mikilvægur sigur Kristianstad og norsku meistararnir náðu í þrjú stig Sveindís fékk langþráð tækifæri í byrjunarliðinu Leeds vann B-deildina en Plymouth og Luton féllu Mikilvægur sigur Villa í Meistaradeildarbaráttunni Fyrsti deildarsigur Brøndby á árinu Þriðja jafntefli Düsseldorf í röð en umspilið enn í augsýn Karólína lagði upp sigurmark Leverkusen Tímabilinu líklega lokið hjá Orra „Þetta var ákvörðun sem ég þurfti að taka“ „Gætum ekki verið spenntari að koma aftur til Íslands“ Leggur til bíl ef félagið ákveður að ræna Antony De Bruyne sá til þess að meistararnir sluppu fyrir horn gegn Úlfunum „Finnst þessir fyrstu tveir leikir hræðilegir“ Sjáðu mörkin úr öruggum Evrópusigrum United og Spurs Eigandi Chelsea þekkti ekki Ruud Gullit Juventus-parið hætt saman Sjá meira
Börsungar sýndu í kvöld að þeir eru ekki dauðir úr öllum æðum því liðið gerði sér lítið fyrir og vann topplið Real Madrid á Santiago Bernabeu í spænsku höfuðborginni í kvöld, 3-1. Með sigri hefðu Madrídingar aukið forystu sína í deildinni í sex stig auk þess að eiga leik til góða. En þess í stað eru liðin jöfn að stigum en Barcelona skellti sér á toppinn með sigrinum þar sem liðið er með betra markahlutfall. Real á þó enn leikinn til góða. Barcelona hefur haft mikla yfirburði í knattspyrnuheiminum undanfarin ár en virtust þó hafa gefið eilítið eftir í upphafi tímabilsins á Spáni. Real Madrid hafði nýtt sér það til að komast í góða stöðu á toppi deildarinnar en eftir leikinn í kvöld er titilbaráttan galopin enn á ný. Real Madrid komst þó yfir í leiknum með marki eftir aðeins 21 sekúndu. Karim Benzema var þar að verki en Alexis Sanchez jafnaði svo metin á 30. mínútu. Marcelo varð svo fyrir því óláni að skora sjálfsmark í upphafi seinni hálfleiks áður en Cesc Fabregas gerði endanlega út um leikinn með marki 25 mínútum fyrir leikslok. Pep Guardiola, stjóri Barcelona, hefur því enn ekki tapað fyrir Real Madrid síðan hann tók við Börsungum árið 2008 en hann kom mörgum á óvart í kvöld með því að veðja á Sanchez í byrjunarliðinu í stað David Villa. Sú ákvörðun átti eftir að borga sig. Cristiano Ronaldo náði sér ekki á strik í leiknum en fékk þó tvo mjög góð færi til að skora í leiknum. Aldrei þessu vant brást honum bogalistin. Lionel Messi hjá Barcelona skoraði ekki heldur en lagði þó upp jöfnunarmark sinna manna. Leikurinn byrjaði ótrúlega en Victor Valdes, markvörður Barcelona, átti lélega spyrnu frá marki með sinni fyrstu snertingu í leiknum og barst boltinn á Angel di Maria og svo Mesut Özil sem reyndi skot að marki. Boltinn fór af varnarmanni Barcelona og beint fyrir fætur Karim Benzema sem var dauðafrír rétt utan markteigs og skoraði örugglega eftir aðeins 21 sekúndu - sannarleg ótrúleg byrjun á leiknum. Fimm mínútum síðar eða svo kom svo fyrsta færi Barcelona. Lionel Messi hirti boltann af Sergio Ramos í vörn Real, keyrði inn í teig og skaut að markinu. En Iker Casillas varði vel frá honum. Á 25. mínútu síðar fékk svo Ronaldo gott skotfæri eftir góðan undirbúning Benzema. Ronaldo var dauðafrír þegar hann fékk boltann á vítateigslínunni en skot hans slakt í þetta skiptið og hæfði ekki markið. Jöfnunarmarkið kom svo á 30. mínútu. Lionel Messi fékk boltann á miðjunni og tók góðan sprett fram á völlinn, renndi boltanum á Alexis Sanchez sem skildi Pepe eftir og skoraði með hnitmiðuðu skoti neðst í markhornið fjær. Frábært mark og umdeild ákvörðun Pep Guardiola, stjóra Barcelona, að setja Sanchez í byrjunarliðið á kostnað David Villa borgaði sig. Staðan því jöfn, 1-1, þegar flautað var til hálfleiks en bæði lið áttu þrátt fyrir mörkin tvö talsvert inni fyrir síðari hálfleikinn. Síðari hálfleikur var ekki gamall þegar að Barcelona náði að komast yfir. Boltinn barst til Xavi rétt utan vítateigs og skaut hann að marki. Boltinn breytti mikið um stefnu á Marcelo, varnarmanni Real Madrid, og skoppaði í markið - fram hjá Casillas markverði sem var á leiðinni í hitt hornið. Sjálfsagt þarf að bíða eftir skýrslu dómara til að fá á hreint hvort að markið skráist á Xavi eða Marcelo en spænsku sjónvarpsmennirnir skráðu markið á þann síðarnefnda. Á 65. mínútu fékk Ronaldo annað dauðafæri í leiknum. Hann var einn og óvaldaður rétt utan markteigs þegar hann fékk sendingu frá Xabi Alonso en skalli hans fór framhjá. Aðeins mínútu síðar kom þriðja mark Börsunga. Cesc Fagregas skoraði með skalla af miklu harðfylgi af stuttu færi eftir sendingu Sanchez. Varnarmaður Real var í Fabregas sem hafði betur í baráttunni og skilaði knettinum í markið. Markið gerði í raun út um leikinn en bæði lið fengu tækifæri til að bæta við mörkum en án árangurs.
Spænski boltinn Mest lesið „Þetta var minn síðasti körfuboltaleikur“ Körfubolti Markmaðurinn á batavegi eftir harkalegt höfuðhögg Fótbolti „Ég kom til Íslands með eitt markmið“ Körfubolti Börsungar sneru við blaðinu gegn botnliðinu Fótbolti Uppgjörið: Álftanes - Tindastóll 90-105 | Stólarnir komnir í úrslit Körfubolti „Við gátum ekki farið mikið neðar“ Íslenski boltinn Fyrsta mark Eggerts í fimmta sigri Brann í röð Fótbolti Hamar jafnaði einvígið með stórsigri Körfubolti Uppgjörið: Stjarnan - Valur 1-0 | Stjarnan fyrst til að skora gegn Val Íslenski boltinn Dagskráin í dag: Sextán beinar útsendingar Sport Fleiri fréttir Markmaðurinn á batavegi eftir harkalegt höfuðhögg Börsungar sneru við blaðinu gegn botnliðinu „Við gátum ekki farið mikið neðar“ Fyrsta mark Eggerts í fimmta sigri Brann í röð Uppgjörið: Stjarnan - Valur 1-0 | Stjarnan fyrst til að skora gegn Val Kirsuberin komu til baka og stálu sigri af Skyttunum FH-ingar kláruðu Akureyringa á korteri og jöfnuðu Blika á toppnum Benóný kom inn af bekknum og skoraði í lokaumferðinni Leik lokið: Þróttur - Tindastóll 1-0 | Eina markið skorað úr fyrstu sókn leiksins Klúður hjá Everton gegn Ipswich og langþráður sigur Leicester Uppgjörið: Fram - FHL 2-0 | Fram nældi í sín fyrstu stig í nýliðaslagnum við FHL Uppgjörið: Breiðablik - Víkingur 4-0 | Meistararnir með markaveislu í sólinni Leipzig jafnaði á elleftu stundu og Bayern þarf enn að bíða Vardy blés í flautu dómarans þegar hann féll við Mikilvægur sigur Kristianstad og norsku meistararnir náðu í þrjú stig Sveindís fékk langþráð tækifæri í byrjunarliðinu Leeds vann B-deildina en Plymouth og Luton féllu Mikilvægur sigur Villa í Meistaradeildarbaráttunni Fyrsti deildarsigur Brøndby á árinu Þriðja jafntefli Düsseldorf í röð en umspilið enn í augsýn Karólína lagði upp sigurmark Leverkusen Tímabilinu líklega lokið hjá Orra „Þetta var ákvörðun sem ég þurfti að taka“ „Gætum ekki verið spenntari að koma aftur til Íslands“ Leggur til bíl ef félagið ákveður að ræna Antony De Bruyne sá til þess að meistararnir sluppu fyrir horn gegn Úlfunum „Finnst þessir fyrstu tveir leikir hræðilegir“ Sjáðu mörkin úr öruggum Evrópusigrum United og Spurs Eigandi Chelsea þekkti ekki Ruud Gullit Juventus-parið hætt saman Sjá meira