Krabbameinsfélagið bjargaði lífi mínu

,,Krabbameinsfélagið bjargaði lífi mínu" segir kona sem greindist með brjóstakrabbamein í hefðbundinni 40 ára skoðun hjá Krabbameinsfélaginu. Árvekni- og söfnunarátakinu, Bleika slaufan, var hleypt af stokkunum í dag.

Það var Vigdís Finnbogadóttir fyrrverandi forseti Íslands sem afhjúpaði bleiku slaufuna í ár og nældi fyrstu nælurnar í barm sex kvenna sem allar hafa tekist á við brjóstakrabbamein en myndbönd um þessar konur verða aðgengileg á vef bleiku slaufunnar. Ein þeirra er Jóhanna Gunnarsdóttir sem greindist með brjóstakrabbamein fyrir tveimur árum eftir að hafa mætt í hefðbundna 40 ára skoðun hjá Krabbameinsfélaginu.

„Þannig að ég mæti algjörlega grunlaus og hefði ég ekki farið þá væri ég ekki hér í dag þannig ég get ekki annað en þakkað þeim líf mitt," segir Jóhanna Gunnarsdóttir.

Það tók Jóhönnu ár að takast á við krabbameinið og komast út í lífið á ný. Hún segir hlýhug og styrk í þjóðfélaginu hafa gríðarlega mikið að segja.

„Eins og með brjóstakrabbamein, þetta er ein af hverjum sjö konum sem að greinist og við vitum ekkert hver það verður, hvort það verður ég eða mamma mín eða annar ættingi, við vitum það ekki, þannig að þegar við höfum Krabbameinsfélagið og aðra stuðningsaðila til að standa á bak við okkur þegar við lendum í þessu þá er það ómetanlegur stuðningur," segir Jóhanna.

og hún hvetur fólk til að svara kalli Krabbameinsfélagsins þegar það kemur. „Fólk verður að fara, fyrst við höfum þennan möguleika að geta farið í skoðun þegar við verðum fertugar, endilega bara allar konur farið! í guðanna bænum, því þetta eins og ég segi ég væri ekki hér ef ég hefði ekki orðið fertug þetta ár og farið í skoðun, því ég hafði engan grun um þetta," segir Jóhanna.

Zúlúkonurnar eru margar hverjar ömmur sem annast yfir tug barna hver, bæði sín eigin barnabörn og munaðarlaus börn sem hafa misst foreldra sína úr alnæmi. Þær sofa á gólfinu í litlum leirkofum og hafa litla sem enga tekjumöguleika en nú munu þær í fyrsta skipti fá laun til að kaupa mat og aðrar nauðsynjar.

„Við höfum verið svo gæfusöm að njóta mikils stuðnings með þjóðinni og treystum á að svo verði áfram, fimmtíu þúsund slaufur í boði," Ragnheiður Haraldsdóttir forstjóri Krabbameinsfélags Íslands.

Átakið Bleika Slaufan snýst bæði um að vekja athygli á því að hugsa vel um sig og huga að heilsunni en er einnig mikilvæg fjáröflun fyrir Krabbameinsfélagið