Kofi Annan kemur til Íslands

Kofi Annan, fyrrverandi aðalritari Sameinuðu þjóðanna og friðarverðlaunahafi Nóbels, verður aðalfyrirlesari á hátíðarmálþingi Háskóla Íslands í tilefni aldarafmælis skólans þann 7. október næstkomandi. Máþingið ber yfirskriftina „Áskoranir 21. aldar".

Eins og nafnið gefur til kynna verður umræðuefnið á málþinginu þær miklu áskoranir sem mannkynið stendur frammi fyrir á nýhafinni öld, áskoranir sem snúa að loftslagi, heilbrigði, sjálfbærni, fátækt og offjölgun.

Annan kemur hingað til lands í boði forseta Íslands, Ólafs Ragnars Grímssonar.