FCK hélt hreinu og vann með Sölva og Ragnar í miðri vörninni

Leikjunum í Evrópudeildinni sem hófust klukkan 17.00 er nú lokið. Íslendingaliðið FCK Kaupmannahöfn fagnaði 1-0 sigri á Vorskla Poltava frá Úkraínu en ensku liðin Stoke og Tottenham náði aðeins jafntefli á útivelli.

Sölvi Geir Ottesen og Ragnar Sigurðsson léku allan tímann í miðri vörninni hjá FC Kaupmannahöfn sem vann 1-0 heimasigur á Vorskla Poltava frá Úkraínu. Morten Nordstrand skoraði sigurmarkið úr vítaspyrnu á 54. mínútu.

Stoke var nálægt því að vinna útisigur á Dynamo Kiev en Úkraínumennirnir jöfnuðu á lokamínútu leiksins. Cameron Jerome hafði komið Stoke í 1-0 á 55. mínútu.

Tottenham gerði markalaust jafntefli við PAOK í Grikklandi. Grikkir fengu víti í fyrri hálfleik og skoruðu en þurftu að endurtaka spyrnuna þar sem að Carlo Cudicini, markvörður Tottenham, fór af línunni. Lino tók aftur spyrnuna en skaut þá framhjá markinu. Ótrúleg dómgæsla í Grikklandi.

Hér fyrir neðan má sjá úrslit og markaskorara úr leikjunum sem hófust klukkan fimm.



Úrslit leikja í Evrópudeildinni í kvöld:

A-riðill

PAOK - Tottenham 0-0

Shamrock Rovers - Rubin Kazan 0-3

0-1 Obafemi Martins (3.), 0-2 Christian Noboa (50.), 0-3 Gökdeniz Karadeniz (60.)

B-riðill

FC Kaupmannahöfn - Vorskla Poltava 1-0

1-0 Morten Nordstrand, víti (54.)

Hannover 96 - Standard Liege 0-0

C-riðill

Hapoel Tel Aviv - Rapid Búkarest 0-1

0-1 Ovidiu Herea (55.)

PSV - Legia Varsjá 1-0

1-0 Dries Mertens (21.)

D-riðill

FC Zürich - Sporting Lisabon 0-2

0-1 Emiliano Insúa (4.), 0-2 Ricky van Wolfswinkel (21.)

Lazio - Vaslui 2-2

1-0 Djibril Cisse (34.), 1-1 Wesley (59.), 1-2 Wesley, víti (63.), 2-2 Giuseppe Sculli (71.)

E-riðill

Besiktas - Maccabi Tel Aviv 5-1

1-0 Hugo Almeida (3.), 2-0 Hugo Almeida (28.), 2-1 Roy Kehat (48.), 3-1 Mehmet Aurelio (50.), 4-1 Egemen Korkmaz (53.), 5-1 Edu (88.)

Dynamo Kiev - Stoke 1-1

0-1 Cameron Jerome (55.), 1-1 Ognjen Vukojevic (90.)

F-riðill

PSG - RB Salzburg 3-1

1-0 Nené, víti (35.), 2-0 Mathieu Bodmer (44.), 3-0 Jérémy Ménez (67.), 3-1 Ibrahim Sekagya (87.)

Slovan Bratislava - Athletic Bilbao 1-2

0-1 Markel Susaeta (13.), 1-1 Karim Guede (34.), 1-2 Iker Muniain (40.)