Guðmundur keppir í Evrópukeppninni um helgina

Íslandsmeistarinn í borðtennis Guðmundur E. Stephensen leikur um helgina með liði sínu Zoetermeer frá Hollandi í Evrópukeppni félagsliða.

Þetta er fyrsta umferð Evrópukeppninnar og mæta Guðmundur og félagar fjórum liðum um helgina en leikið er í Hollandi.

Á laugardaginn mætir Zoetermeer liði Clube Desportivo frá Portúgal og Floratom Szeged AC frá Ungerjalandi. Á sunnudaginn verða mótherjarnir lið Fusion frá Englandi og Sokah Hoboken frá Belgíu.

Þrjú efstu liðin í riðlinum komast áfram í aðra umferð keppninnar.