KR-útvarpið að hefja sitt þrettánda starfsár í kvöld

KR-ingar leika sinn fyrsta leik á Íslandsmótinu í kvöld og að sjálfsögðu verður KR-útvarpið á staðnum þegar KR-liðið heimsækir Íslandsmeistara Breiðabliks á Kópavogsvellinum. Útvarp KR sem er á FM 98,3 mun hefja sitt þrettánda starfsár í kvöld.

Þetta verður 303. útsending KR-Útvarpsins frá upphafi og hefst upphitun fyrir leik klukkan 18:00 með viðtölum við þjálfara liðanna og stuðningsmenn. Bjarni Felixson lýsir svo leiknum sem hefst klukkan 19:15. Einnig er hægt að nálgast KR-Útvarpið á netinu í gegnum netheim.is.

Landslið fjölmiðlamanna kemur að KR-Útvarpinu í sumar.  Bogi Ágústsson, Þröstur Emilsson, Haukur Holm, Jóhann Hlíðar Harðarson, Hallgrímur Indriðason, Ágúst Bogason, Freyr Eyjólfsson, Felix Bergsson, Höskuldur Kári Schram og Þórunn Elísabet Bogadóttir. Bjarni Felixson sér svo um lýsingar.