Steingrímur: Meiri munur en ég átti von á

Steingrímur J. Sigfússon fjármálaráðherra segist ekki hafa reiknað með eins miklum mun í Icesave kosningunum eins og raun ber vitni samkvæmt fyrstu tölum úr landsbyggðarkjördæmunum. Um 62 prósent hafna samningnum og já segja um 37 prósent.

„Maður var búinn að undirbúa sig undir hvaða útkomu sem var," sagði Steingrímur í sjónvarpssal Ríkisútvarpsins þegar fyrstu tölur voru ljósar. Hann sagði að vísbendingar hefðu verið í þessa átt síðustu daga en að munurinn væri heldur meiri en hann hafi búist við. Að hans mati er orðið nokkuð ljóst að NEI-ið verði ofaná.

Hann sagðist hafa dauðóttast það allan tíminn og að þegar fyrsty vísbendingar bentu til að samningurinn yrði samþykktur segist hann strax hafa fengið það á tilfynninguna að sú skoðun myndi breytast. „Það er til svo mikils mælst að fólk samþykki ófögnuð af þessu tagi, jafnvel þótt ágætur málflutningur væri hafinn uppi í þá átt að skynsamlegast væri að segja já."