Erlent

Umsátrið um morðingjann heldur áfram - myndir

Raoul Moat
Raoul Moat Myndir/AFP
Lögreglan í Bretlandi hefur umkringt morðingjann Raoul Moat við árbakka í bænum Rothbury. Raoul liggur þar á jörðinni og miðar byssu að hnakkanum. Samningamenn hafa reynt að fá Raoul til að gefast upp.

Besti vinur hans, Tony Laidler, hefur gengið til liðs við samningasveitna ásamt knattspyrnugoðsögninni Paul Gascoigne, sem segist vera gamall vinur hans frá því að Raoul vann sem útkastari á skemmtistað í Newcastle í gamla daga.

Mynd af Raoul þar sem hann liggur í jörðinni. Fjölmargir lögreglumenn beina byssum að honum. Verið er að semja við hann um að gefast upp.Mynd/Getty
Raoul er í svörtum fötum, sem gæti orðið erfiðara fyrir lögregluna að sjá hann þegar það tekur að dimma. Búið er að beina rauðum leysigeisla að honum. Með honum sést hann vel og lögreglan getur fylgst með hverri hreyfingu hans.

Raoul Moat drap kærasta fyrrverandi kærustu sinnar og særði hana, stuttu eftir að hann losnaði úr fangelsi. Hann skaut einnig lögreglumann sem særðist alvarlega.





Lögreglumenn nokkrum metrum frá Raoul, tilbúnir að skjóta ef hann hreyfir sig og ógnar lögreglumönnum með einhverjum hætti.
Lögreglan reynir að semja við hann um að gefast upp en Raoul sýnir engin viðbrögð.

Uppfært 21:45:

Búið er að koma mat og vatni til Raoul.

Raoul er staðinn upp og miðar enn byssu að höfði sér.

Fréttastofan Sky er með beina útsendingu frá atburðinum þar sem fylgst er með öllu því nýjasta. Allar nýjar upplýsinga koma inn á Vísi um leið og þær gerast.






Tengdar fréttir

Myrti mann fáeinum klukkustundum eftir að hafa öðlast frelsi

Víðtæk leit fer nú fram í norðausturhluta Bretlands af karlmanni sem talinn er hafa myrt mann og sært konu lífshættulega í bænum Gateshead í nótt. Maðurinn heitir Raoul Thomas Moat sat í fangelsi allt þar til í gær þegar hann öðlaðist frelsi. Hann er fyrrverandi kærasti konunnar.

Leitin að morðingjanum í Bretlandi: „Læsið hurðum og lokið gluggum“

Lögregla hefur beint því til íbúa bæjarins Rothbury að sýna aðgætni í kjölfar nýjustu yfirlýsinga morðingjans Raoul Moat sem talinn er vera í bænum. Talið er að Raoul ógni almenningi, en upphaflega ætlaði hann að beina skotum sínum að lögreglu. Á blaðamannafundi í dag sagði lögreglan að fólk ætti að loka öllum gluggum og læsa hurðum. Þá var fólk kvatt til að vera ekki að þvælast um svæðið að óþörfu.

Lögreglan telur sig vera að nálgast morðingjann

Breska lögreglan hefur hert leitina að morðingjanum Raoul Moat. Yfir 100 vopnaðir lögreglumenn leita að Raoul í bænum Rothbury í norðausturhluta Englands. Fylgst er með hverri hreyfingu í bænum, í hraðbönkum, bensínstöðvum og símtölum. Lögreglan telur fyrir víst að Raoul er í nágrenni við bæinn vopnaður eina eða tvær haglabyssur og nóg af skotum.

Skaut lögregluþjón á flóttanum

Maðurinn sem myrti mann fáeinum klukkistundum eftir að eftir að hafa öðlast frelsi fyrir helgi er talinn hafa skotið lögreglumann í Newcastle í morgun.

Hringurinn þrengist um Moat

Lundúnalögreglan hefur sent fjörutíu vopnaða lögreglumenn til Norður-Umbríu til þess að hjálpa til við leit að morðingjanum sem þar leikur lausum hala. Fé hefur verið lagt til höfuðs honum.

Morðingja enn leitað á Englandi

Vopnaðir lögreglumenn í Bretlandi leita enn að manni sem um helgina skaut fyrrverandi kærustu sína, myrti ástmann hennar og skaut lögregluþjón í höfuðið.

Vitorðsmenn morðingja handteknir

Breska lögreglan hefur handtekið tvo menn sem hún segir að hafi verið í vitorði með Raoul Moat þegar hann særði fyrrverandi unnustu sína og myrti nýjan kærasta hennar.

Mest lesið


Fleiri fréttir

Sjá meira


×

Mest lesið