Lögreglan telur sig vera að nálgast morðingjann

Breska lögreglan hefur hert leitina að morðingjanum Raoul Moat. Yfir 100 vopnaðir lögreglumenn leita að Raoul í bænum Rothbury í norðausturhluta Englands. Fylgst er með hverri hreyfingu í bænum, í hraðbönkum, bensínstöðvum og símtölum. Lögreglan telur fyrir víst að Raoul er í nágrenni við bæinn vopnaður einni eða tveimur haglabyssum og sé með nóg af skotum.

Í dag var framið rán í búð í bænum þar sem eina sem var tekið var matur. Lögreglan telur að Raoul hafi brotist þar inn. Þá fann lögreglan tjald sem talið er að Raoul hafi dvalið í, þar var handskrifað bréf til fyrrum unnustu hans sem talið er að hann hafi skrifað. Vísbendingar eru um að hann hafi notið aðstoðar við að forðast lögregluna. Einnig eru taldar líkur á því að hann hafi sloppið úr neti lögreglunnar og sé víðs fjarri leitarsvæðinu.

Raoul segir að hann sé morðingi sem vilji drepa eins margar löggur og hann getur. Hann segir að almenningur þurfi ekki að óttast hann. Þó eru íbúar bæjarins Rothbury hræddir og skelkaðir vegna leitarinnar. Móðir ungs pilts sagði við Sky fréttastofuna ekki treysta því að senda son sinn í skólann. Hún vilji frekar að hann sé heima.

Fyrrum félagi Raoul hefur aðstoðað lögregluna í leitinni af honum.

Lögreglan hefur heitið verðlaunum upp á 10 þúsund pund, eða tæplega tveggja milljóna króna, fyrir upplýsingar sem gætu leitt til handtöku Raoul.