Fisflugvél hrapaði nærri eldgosinu

Fisflugvél nauðlenti á Fimmvörðuhálsinum upp úr klukkan fjögur í dag. Vélin var á flugi yfir svæðinu þegar flugmaðurinn virðist hafa þurft að lenda á hálsinum nærri eldgosinu.

Samkvæmt lögreglunni á Hvolsvelli var einn maður um borð í fisflugvélinni og er hann ómeiddur. Björgunarsveitin Kyndill kom fyrst á vettvang og tilkynnti slysið til lögreglunnar.

Fisflugvélin er skemmd. Rannsóknarnefnd flugslysa og lögreglan er á leiðinni á vettvang.

Gríðarlegur fjöldi manna og faratækja eru á svæðinu. Lögreglan á Hvolsvelli biður menn að hafa sig hæga en þeim finnst nóg um. Þeir biðja almenning að róa sig og gæta sérstaklega vel að eigin öryggi.