Catalina áfram í varðhaldi

Miðbaugsmaddaman Catalina Ncogo var í dag úrskurðuð í áframhaldandi gæsluvarðhald að kröfu lögreglunnar á höfuðborgarsvæðinu til að koma í veg fyrir áframhaldandi brotastarfsemi hennar.

Catalina var handtekin í byrjun desember vegna gruns um aðild að mannsali og að hafa haft milligöngu um vændi. Tveimur dögum áður en hún var handtekin var var Catalina dæmd í fangelsi fyrir hórmang og fíkniefnasmygl. Fram kemur í tilkynningu frá lögreglu að henni sé gert að sitja í varðhaldi til 9. febrúar.