Dæmdir fyrir kannabisræktun og rafmagnsstuld

Tveir karlmenn voru sakfelldir fyrir kannabisræktun í Héraðsdómi Suðurlands í dag. Mennirnir ræktuðu kannabisplönturnar í bílskúr á Selfossi. Alls lagði lögreglan hald á 20 kannabisplöntur.

Að auki voru mennirnir sakfelldir fyrir að tengja framhjá rafmagnsmæli þar sem þeir ræktuðu efnin. Annar maðurinn var dæmdur í 2 mánaða skilorðbundið fangelsi en refsingin fellur niður að tveimur árum liðnum haldi hann almennt skilorð.

Hinn maðurinn var dæmdur til þess að greiða hundrað þúsund króna sekt fyrir brot sín.