Pittsburgh komst ekki í úrslitakeppnina

Meistarar Pittsburgh Steelers munu ekki verja titilinn sinn í NFL-deildinni í amerískum ruðningi en liðinu mistókst að komast í úrslitakeppnina að þessu sinni.

Pittsburgh vann að vísu Miami í nótt, 30-24, en árangurinn dugði ekki til að komast áfram í úrslitakeppnina.

Minnesota Vikings sem Brett Favre leikur með tryggði sér sæti í 8-liða úrslitunum með stórsigri á New York Giants, 44-7, og þarf því ekki að taka þátt í fyrstu umferð úrslitakeppninnar.

Þessi lið munu annars mætast í fyrstu umferðinni en leikirnir fara fram 9. og 10. janúar:

Philadelphia - Dallas

Green Bay - Arizona

Baltimore - New England

NY Jets - Cincinnati

Þessi lið eru komin áfram í 8-liða úrslit:

Minnesota

New Orleans

San Diego

Indianapolis