World Class skaðabótaskylt

Héraðsdómur Reykjavíkur úrskurðaði að líkamsræktarstöðin World Class væri skaðabótaskyld til hálfs gagnvart konu sem klemmdist í vængjahurð stöðvarinnar í Laugum sem er við innganginn.

Atvikið átti sér stað árið 2007. Konan var með fimm ára son sinn sem hún hleypti á undan sér. Barnið komst klakklaust í gegnum hliðið sem opnast sjálfvirkt þegar auga þess sem fer í gegnum hliðið hefur verið borið að augnlesara.

Þegar konan fór hinsvegar í gegn skelltust hurðarnar á höfuð konunnar og klemmdist hún á milli.

World Class hafnað alfarið kröfunni og vildi meina að konan hafi borið sig vitlaust að þegar hún fór í gegn. Héraðsdómur Reykjavíkur komst að þeirri niðurstöðu í morgun að konan bæri ábyrgð til hálfs á móti World Class.