Favre lofar að hætta eftir tímabilið

Hann hefur sagt það áður en líklegt er að hann meini það núna. Leikstjórnandi Minnesota Vikings, Brett Favre, hefur gefið það út að tímabilið í ár verði hans síðasta.

Hinn 41 árs gamli Favre var spurður út í framtíðina í viðtali í gær og gaf einfalt svar um hvort hann myndi spila næsta vetur: Nei!

"Það eru komin 20 ár í deildinni og ég er búinn. Þetta er mitt siðasta tímabil," sagði Favre og bætti við að eflaust myndi fullt af fólki ekki trúa honum enda hefur hann hætt við að hætta áður.

Ferill Favre er einkar glæsilegur og hann hefur á gifturíkum ferli slegið fjölda meta sem líklega munu standa lengi.